Columella |
|
Tum quoque conseritur, toto quae plurima terrae Orbe uirens pariter plebi regique superbo Frigoribus caules et ueri cymata mittit: Quae pariunt ueteres caeposo litore Cumae, Quae Marrucini, quae Signia monte Lepino, Pinguis item Capua et Caudinis faucibus horti, Fontibus et Stabiae celebres et Vesbia rura. Doctaque Parthenope Sebethide roscida lympha, Quae dulcis Pompeia palus uicina salinis Herculeis uitreoque Siler qui defluit amni, Quae duri praebent cymosa stirpe Sabelli Et Turni lacus et pomosi Tiburis arua, Bruttia quae tellus et mater Aricia porri. |
| zur Kampanienseite | © Ulrich Schmitzer Letzte Änderung: 23. März 2000 |